चन्द्रगढी युवा क्लबको आयोजनामा पहिलो पटक चन्द्रगढी महिला गोल्ड कप २०८३ बैशाख ५ देखि १४ गतेसम्म आयोजना हुने भएको छ। प्रतियोगितामा नेपाल, भारत र भुटानका महिला फुटबल टोलीहरू सहभागी हुनेछन्। कुल १० टोलीबीच प्रतिस्पर्धा हुनेछ।
प्रतियोगिताको विजेताले ११ लाख रुपैयाँ र उपविजेताले ५ लाख रुपैयाँ नगद पुरस्कार प्राप्त गर्नेछन्। नेपाली महिला फुटबलमै सबैभन्दा ठूलो पुरस्कार राशि रहेको यस प्रतियोगिताले महिला फुटबलको विकास र अन्तर्राष्ट्रिय प्रतिस्पर्धा प्रवर्द्धन गर्ने अपेक्षा गरिएको छ।
