झापा / मधेश प्रदेशका सांसद कुशवाहालाई विशेष अदालतले भ्रष्टाचार मुद्दामा दोषी ठहर गर्दै ४ वर्ष कैद सजाय र करिब साढे ३८ लाख रुपैयाँ जरिवाना गर्ने फैसला गरेको छ।
अख्तियार दुरुपयोग अनुसन्धान आयोगद्वारा दायर गरिएको मुद्दामा विशेष अदालतका अध्यक्ष सुदर्शनदेव भट्ट तथा सदस्यहरू उमेश कोइराला र विदुर कोइरालाको संयुक्त इजलासले गत जेठ ४ गते सिंहलाई भ्रष्टाचार निवारण ऐन, २०५९ अन्तर्गतको कसूरमा दोषी ठहर गरेको थियो ।
अदालतको फैसलाअनुसार सांसद कुशवाहाले उपभोक्ता समितिमार्फत आएको बजेटमा अनियमित रूपमा रकम लिई दुरुपयोग गरेको पुष्टि भएको छ। सोही आधारमा अदालतले उनलाई कैद सजायसँगै बिगो बराबरको जरिवाना समेत तिर्न आदेश दिएको छ।
आज अदालतले उनलाई ४ वर्ष कैदसँगै ३८ लाख ५० हजार १ सय ३९ रुपैयाँ जरिवानाको सजाय निर्धारण गरेको हो ।
अदालतका अनुसार सिंहले विभिन्न उपभोक्ता समितिहरूबाट घुस तथा कमिसनबापत कुल ३८ लाख ५० हजार १ सय ३९ रुपैयाँ प्राप्त गरेको पुष्टि भएको छ । उक्त रकमलाई नै भ्रष्टाचारको विगो मानी सजाय निर्धारण गरिएको हो ।
