झापा / त्रिशूली नदीमा फसेका दुई जना दम्पतीको सेनाले हेलिकप्टरबाट सकुशल उद्धार गरिएकाे छ ।
रसुवामा आएको बाढीका कारण त्रिशूली नदीमा पानीको बहाब बढ्दा फसेका दुई जनालाई नेपाली सेनाले हेलिकप्टरमार्फत उद्धार गरेको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ ।
प्राधिकरणको अनुसार नुवाकोट विदुर नगरपालिका–१ लभडाँडा मिलन चौताराका ६७ वर्षीय पाल्देन तामाङ र उनकी श्रीमती ६२ वर्षीया मङ्गली तामाङलाई उद्धार गरिएको हो।
उनीहरू त्रिशूली नदीको किनारामा दाउरा काट्न गएका थिए।
चीन हुँदै रसुवामा आएको बाढीले त्रिशूलीको बहाब एक्कासी बढेपछि उनीहरू फसेका थिए।
