झापा । प्रतिबन्धित लागु औषधसहित दुई जनालाई प्रहरीले पक्राउ गरेको छ । प्रहरीले जिल्लाको गण्डक चोकबाट जाँचका क्रममा २० वर्षीय युवकद्वयलाई प्रतिबन्धित लागु औषधसहित पक्राउ गरेको हो ।
प्रहरीले बारा महागढीमाइ नगरपालिका–७ का ओमबाबु कुशवाहा र शैलेस यादवलाई पक्राउ गरेको पर्सा प्रहरी प्रवक्ता दीपक भारतीले जनाए ।
उनका अनुसार उनीहरुको साथबाट करिब तीन हजार एम्पुल नुरफिन, डाइजापाम र फेनारगन बरामद गरेको हो ।
वीरगन्जबाट काठमाडौँतर्फ जाँदै गरेको ना६ख ७२२७ नम्बरको बसबाट प्रहरीको टोलीले ब्यागमा लुकाई छिपाइ राखेको अवस्थामा प्रतिबन्धित लागु औषध बरामद गरेको जनाएको छ ।
पक्राउ परेका दुबै जनालाई जिल्ला प्रहरी कार्यालयमा राखेर थप अनुसन्धान भइरहेको जनाएको छ ।
