झापा । शिकार खेल्न गएका खोटाङ केपिलासगढी गाउँपालिका वडा नं.१ पिपिङ बस्ने ५८ वर्षीय जगतप्रसाद राईको भरुवा बन्दुक पड्केर मृत्यु भएको छ ।
उनी सोही ठाउँको हातीढुङ्गे जंगलमा शिकार खेल्न गएका थिए । बुधबार साँझ अन्दाजी ७ बजे भरुवा बन्दुक पड्केको आवाज सुनेर आफन्तहरुले गई हेर्दा जंगलमा उत्तानो परेको अबस्थामा उनी मृत फेला परेका थिए ।
घटनाबारे जानकारी गराएपछि प्रहरी टोलीले घटनास्थल पुगेर सुरक्षित राखेको र थप अनुसन्धान तथा कानुनी प्रक्रिया शुरु गरिएको जिल्ला प्रहरी कार्यालय खोटाङले जनाएको छ ।
