झापा / डोटीको आदर्श गाउँपालिकाको वडा नम्बर १ सिरस्यानीमा शुक्रबार दिउँसो भएको जीप दुर्घटनामा दुई जनाको घटनास्थलमै मृत्यु भएको छ भने चार जना घाइते भएका छन् ।
जिल्ला प्रहरी कार्यालय डोटीका अनुसार आदर्शबाट मेल्लेख जाँदै गरेको सुप्र ०१-००१ च १३९५ नम्बरको जीप भित्री सडकमा नियन्त्रण गुमाएपछि २५० मिटर तल खसेको थियो।
प्रहरी निरीक्षक रामचन्द्र जोशीले मृतकको पहिचान अझै नभएको जानकारी दिएका छन् ।
घाइते चार जना यात्रुलाई उद्धार गरी उपचारका लागि मेल्लेख स्वास्थ्य चौकीमा लगिएको छ भने गाडीमा सवार यात्रुहरूको यकिन संख्या अझै थाहा नभएकाे प्रहरीले बताएकाे छ ।
उद्धार प्रयास जारी छ। जिल्ला प्रहरी कार्यालयबाट प्रहरी निरीक्षक राजेन्द्र बहादुर चन्दको नेतृत्वमा टोली घटनास्थलमा खटाइएको छ।
