नेपाल प्रहरीको केन्द्रीय अनुसन्धान ब्युरो (सीआईबी)ले अखिल नेपाल फुटबल संघ (एन्फा) पदाधिकारीलाई केरकार गरेको छ। मुख्यालय सादोबाटोमा छापा मारेको सीआईबीले पदाधिकारीमाथि पनि केरकार गरेको हो।
सीआईबी स्रोतले एन्फा पदाधिकारीसँग सोधपुछ गरिरहेको पुष्टि गर्यो। ‘अनुसन्धानका लागि कागजात नियन्त्रणमा लिएका छौं । त्यस विषयमा पदाधिकारीहरुसँग सोधपुछ गरिराखेका छौं,’ स्रोतले भन्यो।
एन्फामा आर्थिक अनियमितता भएको भन्दै उजुरी परेपछि सीआईबीले अनुसन्धान थालेको थियो। सोही विषयको अनुसन्धानका लागि सीआईबीले एन्फा मुख्यालयमा छापासँगै पदाधिकारीमाथि केरकार गरेको हो।
