झापा / भोजपुरमा मानसिक सन्तुलन गुमाएकी महिलालाई जबरजस्ती करणी गर्ने दुईजना पक्राउ परेका छन् ।
आज बिहानको राति १ बजे २१ वर्षीया महिलालाई पौवादुङमा - ३ तुसारे जंगलमा जबरजस्ती करणी गर्ने दुईजना पक्राउ परेका हुन् ।
पक्राउ पर्नेहरुमा पौवादुङमा ३ बस्ने २३ वर्षीय रोशन बिक र सोही ठाउँ बस्ने २२ वर्षीय दिपेश राई रहेका छन् ।रामप्रसादराई ८ बासिखोरा घर भई पौवादुङमा ३ च्याङग्रेमा मावली घरमा पिडित महिला बस्दै आएकी थिइन् ।
पीडित महिलाले प्रहरी चौकी च्याङग्रेमा आई जानकारी गराउनासाथ ती दुवैलाई घरबाटै नियन्त्रणमा लिएको प्रहरीले जनाएको छ । उनीहरुमाथि थप अनुसन्धान भइरहेको छ । ती महिला सामान्य घाइते भएकी छन् । उनको दाहिने घुँडामा चोट लागेको छ ।
