झापा / सरकारले आगामी आर्थिक वर्ष २०८३/८४ का लागि २१ खर्ब २४ अर्ब ३४ करोड रुपैयाँ बराबरको बजेट सार्वजनिक गरेको छ । संघीय संसद्को संयुक्त बैठकमा अर्थमन्त्री डा. स्वर्णिम वाग्ले ले बजेट प्रस्तुत गरेका हुन् ।
कुल बजेटमध्ये चालु खर्चतर्फ १२ खर्ब ७० अर्ब ५८ करोड रुपैयाँ विनियोजन गरिएको छ भने पुँजीगततर्फ ४ खर्ब ३१ अर्ब १० करोड रुपैयाँ छुट्याइएको छ । यस्तै वित्तीय व्यवस्थापनतर्फ ४ खर्ब २२ अर्ब ६४ करोड रुपैयाँ विनियोजन गरिएको सरकारले जनाएको छ ।
सरकारले आगामी आर्थिक वर्षमा ७ प्रतिशत आर्थिक वृद्धिदर हासिल गर्ने लक्ष्य राखेको छ । राजस्व संकलन लक्ष्य १४ खर्ब ४ अर्ब रुपैयाँ तोकिएको छ भने वैदेशिक ऋण २ खर्ब ४७ अर्ब र अनुदान ६१ अर्ब ७४ करोड रुपैयाँ रहने अनुमान गरिएको छ ।
यसअघि राष्ट्रिय स्रोत अनुमान समितिले आगामी आवका लागि १८ खर्ब ९० अर्बदेखि १९ खर्ब ४० अर्ब रुपैयाँसम्मको बजेट सिलिङ प्रस्ताव गरेको भए पनि सरकारले त्यसभन्दा ठूलो आकारको बजेट ल्याएको हो ।
