मोटरसाइकलमा यात्रा गर्ने क्रममा सडक छेउको रुख अचानक भाचिएर लाग्दा धनकुटा नगरपालिका–१ की ३० वर्षीया उषा तामाङको मृत्यु भएको छ ।
बिहीबार प्रदेश १–०२–०४९ प ६०४० नम्बरको मोटरसाइकलमा श्रीमानसँग धनकुटाबाट हिलेतर्फ जाने क्रममा धनकुटा नगरपलिका–४ सल्लेरीमा सडक छेउमा रहेको रुख अचानक भाचिएर मोटरसाइकलको पछाडि सवार रहेकी तामाङलाई लाग्दा घाइते भएकी थिइन ।
घाइतेलाई उपचारको लागी जिल्ला अस्पताल धनकुटा लगिएकोमा उपचारको क्रममा उनको मृत्यु भएको र घटना सम्बन्दमा थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
