साङ्केतिक तस्वीर
झापा । कारसँग ठोक्किएर झापाको मेचीनगरमा घाइते मोटरसाइकल चालकको मृत्यु भएको छ ।
बिहीवार राति ११.३० बजे मेचीनगर नगरपालिका वडा नं. ७ टोकला चिया बगानस्थित पूर्वपश्चिम राजमार्गमा काँकडभिट्टाबाट इटाभट्टातर्फ जाँदै गरेको बा ६० प २५३७ नम्बरको मोटरसाइकलले ब्याक गर्दै गरेको बीएए–८६८७ नम्बरको कारलाई पछाडिबाट ठक्कर दिएको थियो ।
दुर्घटनामा मोटरसाइकल चालक मेचीनगर ७ बस्ने २५ वर्षीय राजमान बि.क. घाइते भएका थिए ।उनलाई बीएण्डसी अस्पताल बिर्तामोडमा लगेर उपचार भइरहेकोमा उपचारको क्रममा गएराति ९ः२५ बजे मृत्यु भएकाे जिल्ला प्रहरी कार्यालय झापाले जनाएको छ ।
मोटरसाइकल,कार र कार चालक रामेछाप खाँडादेवी गाउँपालिका वडा नं.४ बस्ने ३४ वर्षीय दिनेश कँडेल इलाका प्रहरी कार्यालय काँकडभिट्टाको नियन्त्रणमा रहेको जिल्लाका डिएसपी कृष्णकुमार चन्दले जानकारी दिए ।
